Talent kreativ apo me fjalë të tjera kreativ grafik dizajner janë individ më të kërkuar aktualisht anë e mbanë botës, pothuajse nga secila kompani ekzistuese marketingu. Bile edhe kompanitë dhe korporatat të shtrira në lëmi të ndryshme biznesi, kanë filluar të themelojnë nga një department të dizajnit grafik, ashtu që të mos kenë nevoj të angazhojnë kompani të tjera për t’iu dizajnuar pllakatat, biznes kartat, web faqet etj. Normalisht edhe për të ulur koston e shpenzimeve, njëkohësisht edhe të kursejnë gjithcka që është e mundshme për t’u mos shpenzuar.

Imazhi i mësipërm, shpalos një ndër ato ide kreative e realizuar në mënyrë fantastike nga një kreativ dizajner të cilit për momentin emrin nuk ja di. Këtë foto më dërgoi një miku im, e cila plotësisht më kënaqi përderisa e shikoja. Fotografinë e bëjnë edhe më tërheqëse shprehjet e fytyrës si te arusha po ashtu edhe te ariu. Vërtetë një punë mirë e kompletuar.

Sidoqoftë, më ngjalli kurreshtjen të mendoja më thellë.
Arusha (majtas), ka një shikim habitës nga veprimi që bën Ariu (djathtas). Mua më shtyu të mendoj se si do të ishte reagimi i arushës po qe se kabllo që ariu mban në duar, do të kishte gjatësinë e mbushësit të laptopit tim?!

Por nuk mbaron me kaq. Mendova, këtë fotografi mund ta përdorin profesorët në Universitetin e Prishtinës në drejtimin e Elektronikës për të ilustruar prizat e rrymës mashkull / femër për studentët që nuk janë të familjarizuar me fjalën “prizë”, në vend të të cilës përdorin fjalën gjermane “shteker” (German: Stecker, English: Power Plug), e që dmth. futje, fus, futës. Interesant!

Pa llomotitur më tepër shikoje vet edhe je i enkurajuar të lësh koment. Për të dy llojet e vlerësimeve (pozitive dhe negative) jemi të hapur dhe tolerant.

Përfundimisht, kam përshtypjen se nuk kishte nevojë ta përktheja titullin.
Vet fotografia i jep kuptimin domethënës.

P.S. po përsëris, nuk jam penduar që ja kam falur Rebelin vëllaut.

Politika vendase ka qenë tema më kritike, që sa herë është diskutuar ose kam lexuar dicka në internet, mundohesha të aplikoj rregullën “A pashë? S’pashë! A nijta? S’nijta!”. Me gjithë përpjekjen e vazhdueshme, sot më kaploi tmerri. Ky është ankth me sy qel. Jo në ëndërr.

Në kokë më rimohen vetëm fjalët “Mun-S’mun, Mut-S’mut, Ngul-C’ngul”, e që besa po më nevrikosin shumë, sa që po shlyejnë edhe atë pak disponim ditorë dhe po më kthejnë në “sallamadi hesap” .

Përkundër t’gjithave, po mundohem të menjanoj shtjellimin e kësaj teme këtu, por gjendja ime aktuale emocionale, nervore dhe shpirtërore ka arritur kulminacionin e durimit për shprehje të lirë. Sinqerisht, nëse nuk do të ekzistonin disa rregulla për mirësjellje, nuk do të hezitoja të përshendetja Ban Ki Munin, Qeverinë dhe Popullin Injorant, në gjuhën e popullit. Vec kqyrja dukjen fiziologjike njëherë, buzëqeshjen e “pafajshme” të Munit. Të jep përshtypjen që ky nuk di sherr, “ky është melaqe”. Për Mulin (Munin) është lehtë, “ngulja Kosovarve gjashtë pyka, edhe ec me kohën.”

Po lexoj një artikull te Telegrafi, edhe poshtë një lexues kishte lënë një koment që më bëri përshtypje. Përmbajtja e komentit është si vijon: “Na myten me perurime te rrugeve, ende pa ndertuar shtetin, pushtetaret serb nuk e leshojne prej gojes Kosoven, ndersa pushtetaret Kosovar as nuk e permendin…”, e menjëherë më shkoi mendja te një mik i imi që kishte zakon të thoshte “ishalla po pshtojm!”
Me të vërtetë nuk di si do të mund t’ia lidhnim grykën kësaj pune, por plotësisht mendoj se nëse dikush meriton respekt dhe përkrahje për angazhim patriotik kundrejt cdo rezolute e vendimi bosh që e dëmton Kosovën, janë Vetëvendosja. Me at pak fuqi që posedojnë, përpiqen vazhdimisht në të mirë të Kosovës dhe popullit që nuk ja vlerëson mundin.

Më fal në shprehje, por po fëlliqet cdo ditë e më shumë. Nuk ka mbetur edhe shpresë se mos ndoshta do të mund të ngrihemi në ndonjë revolt gjithë-popullore. Bile sa herë që përmendet populli, pyes veten “Cilin popull?!”.

Ku po mbetet Kosova kështu?! “Kallxom se po t’kallxoj!”

Jasha liderë, jasha! Rrofshi!

Freskim: Nuk e di cfarë përshtypje ke për Veton Surroin, por, në këtë shkrim kishte tingëlluar mencur!

Jay-Z kishte rimuar bukur, dhe mund të them se nuk ishte për tu dëshpëruar tërësisht (prandaj edhe po e vazhdoj rekomandimin), por nga komentet që po i lexoj në botën e gjërë të internetit, shumica e fansave të verzionit origjinal janë zhgënjyer plotësisht, dhe reagojnë duke u shprehur lirshëm se e ka njollosur atë të vërtetin.

Sidoqofshin komentet, provo dëgjoje njëherë dhe kush e di, ndoshta mund të të pëlqej.

Për ta shkarkuar kliko këtu dhe jepe vlerësimin tënd duke komentuar më poshtë.

Shënim: duhet të dijsh se fajlli nuk është i vendosur në serverin tim, unë thjesht po përdor linkun e një individi tjetër. Nëse të pëlqen kënga provo e shkarkoje më herët, ngaqë linku mund të mos funksionojë më vonë.

Firefox, i renditur në vendin e dytë pas Internet Explorer për nga përdorimi, përvec se është falas, ofron rehati gjatë shfletimit të faqeve online, siguri dhe stabilitet dukshëm më të madhe gjatë punës sesa cdo web browser tjetër konkurrent. Kjo plotësisht për shkak të përkushtimit që Fondacioni Mozilla ka për këtë produkt dhe serioziteti i tyre në punë.

Mbi të gjitha, ajo që e bën edhe më interesante është fakti që Firefox ofrohet edhe në gjuhën shqipe, pra, të gjithë fanatikët e gjuhës mund të shkarkohet Firefox 3.0.4 Shqip, po ashtu falas. Nëse ndodh që kjo është hera e parë që po dëgjon për dicka të tillë si Firefox (megjithëse është nënqmuese, duhet ta pranoj), lexo mbi disa vecori që e bëjnë Firefox më special mbi shfletuesit e tjerë rival. Mirëpo, në të kundërtën nëse ke përdorur Firefox për një kohë më të gjatë dhe vec je i familjarizuar me mënyrën e punës me të, atëherë shfrytëzo rastin dhe shih disa nga vecoritë më të avancuara të Firefox, të ilustruara edhe me fotografi.

Përfundimisht, për cdo rast lexo shënimet mbi freskinë (update) e fundit 3.0.4 dhe pa humbur kohë të rekomandojë ta shkarkosh menjëherë verzionin Anglisht, ndac edhe Shqip.

Si detyrë nga lënda On camera! On Mike!, Korabi u drejtua tek unë për asistencë, dhe natyrisht përgjigja ime ishte pozitive. Përkundër asistimit gjatë xhirimeve, detyra ime konkrete ishte editimi i materialit të xhiruar, me fjalë të tjera montazha e filmit. Megjithëse stresi gjatë punës ishte i paevitueshëm, frika e vazhdueshme e Korabit se nuk do të arrijmë që ta përfundojmë më kohë, dhe të gjitha këto prapë-se-prapë arritëm që të dërgojmë produktin final në kohën e duhur. Për vlerën e rezultatit përfundimtarë, na mjaftuan duartrokitjet dhe emocionet që pasuan pas prezantimit të filmit. Ishin të kënaqur si profesoresha e lëndës ashtu edhe tërë audienca, në mesin e të cilëve ishte edhe organizatori i festivalit SKENA UP.

Përkundër faktit se video kamera të cilën e kemi përdorur për xhirim ka qenë totalisht e lodhur, megjithatë ato silhuetat në atë agim dolën perfekte. Ndërkaq për montim përdorëm Adobe Premiere Pro. Duhet të përmend fatkeqsinë që na ngjau ditën e fundit pak orë para afatit kur duhej të dorëzohej projekti. Premiere Pro 2.0 di që ndonjëherë mos të sillet edhe aq mirë, në fakt, në rastin tonë nuk u soll hiq mirë. I tërë projekti i renditur dhe sinkronizuar me audio që ishte në timeline shkoi huq pas një tentimi për ta ruajtur gjendjen e fundit të filmit. Nuk kishte alternativë tjetër përpos që të riaranzhoja të gjitha edhe njëherë prej fillimit. Deshi Zoti edhe arritëm gjithcka në kohë, gëzimi ishte i pamasë. (^_^)

Përfundimisht, pasi ta kesh shikuar videon,  dije se komentet, kritikat, pse jo edhe lavdatat janë të mirëseardhura të gjitha, si këtu në blog po ashtu edhe personalisht.

Për këto katër vitet e fundit, kam pasur fatin që të shijoj izolimin për diku afër 800 orë. Këtu përfshihen edhe rastet me nga katër a pesë javë rreshturazi, mbyllur në dhomën time në akademi, pa të drejtë daljeje, pa të drejtë për ta vizituar familjen, pa të drejtë që ta shijoj atë me të cilën ti nga jasht mund të kënaqesh. Por, përzgjedhja për t’u bërë kadet ka qenë vullnetare, prandaj duhej që të ballafaqohesha me të gjitha këto sakrifica.

Sidoqoftë, arsyeja pse thash që ka raste kur izolimi të rrit shkallën e kreativitetit, është se deri sa po mbaja izolimet këtë javë, ndjeva dëshirën që të punoj dicka vullnetarisht. Sikur edhe titulli, aranzhova tri ikona grafike; njëra me flamurin e ri të kosovës, tjetra me flamurin kombëtar kuq e zi, dhe e fundit me të dyja së bashku.

Një mik i imi i ngushtë, më kritikoi për përzierjen e dy flamujve në një vend, pasi nuk ishte simpatizues i flamurit të kaltër me 6 ylla, megjithatë, mendova dhe përsëri vendosa ta bëj, pasi deshëm ose jo është një simbol që na identifikon për momentin. Pra, nëse ndodh që edhe ti të jesh i një mendjeje me kolegun tim, atëherë shkarko arkivën më poshtë, dhe lirisht shlyje të kaltërtën dhe ruaje vetëm atë me kuq e zi.

Shkarkoje!

Ju garantoj që liderët tanë politik nuk e harxhojnë as 10% e asaj që Automattic shpenzon mbi produktin e vet.

Tash nëse bëjmë një krahasim në mes Kosovës edhe WordPress, lind pyetja: “Kush e ka vleftën më të madhe, Kosova – një shtet, apo WordPress një web aplikacion?!

Unë po të lë që ti vet të mendohesh, edhe pse këtu s’ka cka të mendohet fort, por pasi të kesh arrdhur me një përgjigje, atëher shfrytzo rastin për t’ja bërë me dije Hashim Thaqit, e edhe Ban Ki Majmunit me 6 pikat e tij, se kush e ka vendin ku.
“M’ka ardh shpirti n’fyt, tu i duru kto pisllëqe!”

Freskim: Sa për kuriozitet, WordPress 2.6 ka kaluar shifren 3.000.000 milion të shkarkimeve që nga momenti i lëshimit. Ndërkaq, pritet të thyhet ky rekord pasi të lansohet verzioni 2.7 që njëherit është total freskim në panelin e administrimit. E në Kosovë ka afër 3 milion banorë për të cilët nuk ju ha palla lidershipit Kosovar se si i kanë hallet këta 3 milion, si i kalojnë ditën dhe me cfarë brengash i zë nata. Por fajet nuk i kanë ata, fajet i ka secili prej atyre që ju ka dhuruar votën, ju ka dhënë shtytje atyre që të manipulojnë me fatin e të ngratëve që nuk mendojnë dhe i hanë rrenat sikur keksat. Këtu mbarova së shkruari. E ke rradhën ti tani.

Përkundër të gjithave, sot po dëgjoj komente nga injorant dhe të padijshëm të shumtë, të cilët thonë se Obama na cenka pro Serb. Nuk e di se nga ju ka lindur kjo ide e mbrapshtë, megjithatë jam i bindur se nuk mbështetet në fakte të gjalla, por, thjesht është një mendim koti. Ose më mirë të them, nuk kanë punë më të mencur se të harxhojnë ca fjalë palidhje, që defakto japin një përshtypje të keqe për imazhin e folësit.

Por, po i kthehem rezultateve të dalura pas mbylljes se vend-votimeve. Shtetet e Bashkuara të Amerikës, tani më udhëhiqen nga Demokratët pas 8 viteve udhëheqësie nga Republikanët, dhe në krye të shtetit është presidenti i parë Amerikan me ngjyrë, Barack Obama. Me fitore bindëse ndaj McCain, Obama premton për një revolucion shtetëror, largimin e papunësisë, uljen e taksave, ndërprerjen e luftës në Irak dhe fuqizimin e një marveshjeje diplomatike që njëherë e përgjithmonë të kryhet qështja e terroristëve të 11 Shtatorit 2001, plus, një varg qështjesh të tjera progresive.

Kështu që, qoftë vetëm edhe kjo buzqeshje në fytyrat e familjes Obama, ja ka vlejtur që ai të përzgjidhej president, të tjerat janë të parëndësishme.

Për detale më të hollësishme rreth rezultateve vizito faqen e zgjedhjeve në CNN apo BBC, duke mbajtur në anën tjetër duart lartë, me shpresën që një revolucion i tillë të ngjante edhe në Kosovën tonë. Një lider pa premtime të kota.

Rivalitetit në mes dy ngjyrave komplet kontradiktore, si nga ana fiziologjike ashtu edhe ajo e idealeve, sot po i afrohet minutave të fundit dhe debateve e opinioneve të shumta kundrejt njërit apo tjetrit kandidat.
Obama vs. McCain ishte një prej temave shumë të nxehta që përfshiju botën, aq sa edhe fëmijët në rrugë pata mundësinë t’i dëgjoj duke e pyetur shoku-shokun; “Une me Obamën, se ma i mirë! Ti?!”.

Pa e zgjatur më shumë, unë po shpresoj për një rezultat pozitiv, natyrisht pro Obama, njëkohësisht duke shpresuar në atë që mos Obama do të jetë ai i cili të paktën do të ndaloj të gjitha ato konflikte luftarake që i kishte filluar George W. Bush. Në aspektin e sigurisë dhe përkrahjes tonë kombëtare nga ana e Amerikanëve, lirisht mund të them se ka qenë e njëjtë si nga Demokratët (kur ishte Clinton në krye të shtetit), ashtu edhe nga Republikanët (deri tash me Bush). Kështu që për Kosovarët është e njëjtë dhe e mirë se ardhur cilido qoftë që përzgjidhet.

Më poshtë e gjen të bashkangjitur një skriptë nga Google, ku mund të shikosh rezultatet e zgjedhjeve më të freskëta, pasi skripta freskohet automatikisht. Do të kesh mundësinë që të sheh rezultatet e përgjithshme, si dhe përqindjet nepër të gjitha shtetet e SH.B.A.

Note: There is a poll embedded within this post, please visit the site to participate in this post's poll.

Pasi të kesh votuar, shprehe opinionin tënd duke komentuar dhe justifikuar votën tënde. Besoj se është temë për të cilën ja vlen të diskutojmë.