Kështu titullohet filmi i metrazhit të shkurtë i cili u dedikohet kadetëve të Universitetit Ushtarak “Adem Jashari” në Prishtinë. Këtë film e përgatitëm s’bashku me kolegun tim Korabin, i cili është kadet në vitin e tretë në akademi, dhe njëherit është edhe student i vitit të tretë në AUK (American University in Kosova). Përshkrimi i një ditë të kadetëve për vetëm 5 minuta nuk ishte një detyrë e lehtë të kryhej.

Si detyrë nga lënda On camera! On Mike!, Korabi u drejtua tek unë për asistencë, dhe natyrisht përgjigja ime ishte pozitive. Përkundër asistimit gjatë xhirimeve, detyra ime konkrete ishte editimi i materialit të xhiruar, me fjalë të tjera montazha e filmit. Megjithëse stresi gjatë punës ishte i paevitueshëm, frika e vazhdueshme e Korabit se nuk do të arrijmë që ta përfundojmë më kohë, dhe të gjitha këto prapë-se-prapë arritëm që të dërgojmë produktin final në kohën e duhur. Për vlerën e rezultatit përfundimtarë, na mjaftuan duartrokitjet dhe emocionet që pasuan pas prezantimit të filmit. Ishin të kënaqur si profesoresha e lëndës ashtu edhe tërë audienca, në mesin e të cilëve ishte edhe organizatori i festivalit SKENA UP.

Përkundër faktit se video kamera të cilën e kemi përdorur për xhirim ka qenë totalisht e lodhur, megjithatë ato silhuetat¹ në atë agim dolën perfekte. Ndërkaq për montim përdorëm Adobe Premiere Pro. Duhet të përmend fatkeqsinë që na ngjau ditën e fundit pak orë para afatit kur duhej të dorëzohej projekti. Premiere Pro 2.0 di që ndonjëherë mos të sillet edhe aq mirë, në fakt, në rastin tonë nuk u soll hiq mirë. I tërë projekti i renditur dhe sinkronizuar me audio që ishte në timeline shkoi huq pas një tentimi për ta ruajtur gjendjen e fundit të filmit. Nuk kishte alternativë tjetër përpos që të riaranzhoja të gjitha edhe njëherë prej fillimit. Deshi Zoti edhe arritëm gjithcka në kohë, gëzimi ishte i pamasë. (^_^)

Përfundimisht, pasi ta kesh shikuar videon,  dije se komentet, kritikat, pse jo edhe lavdatat janë të mirëseardhura të gjitha, si këtu në blog po ashtu edhe personalisht.

1. Silhouette [↩]

Artikuj të ngjashëm

• Viva La Obama!
• Një Canon XL2 i ri, tash nën patronatin tim
• Pak freski me fotografi
• Dokufest, dita 2 dëshpërim total
• The Vista Forums Podcast Episode 15