Mendohem nëse ke patur rastin që ndonjëherë të jesh i izoluar, qoftë edhe për vetëm për një orë. Pavarësisht prej përgjigjes tënde, po të tregoj se jo rrallë izolimi të ngrit shkallën e kreativitetit edhe vullnetit për punë, ose më mirë të them të motivit dhe dëshirës për të kryer dicka më tepër.

Për këto katër vitet e fundit, kam pasur fatin që të shijoj izolimin për diku afër 800 orë. Këtu përfshihen edhe rastet me nga katër a pesë javë rreshturazi, mbyllur në dhomën time në akademi, pa të drejtë daljeje, pa të drejtë për ta vizituar familjen, pa të drejtë që ta shijoj atë me të cilën ti nga jasht mund të kënaqesh. Por, përzgjedhja për t’u bërë kadet ka qenë vullnetare, prandaj duhej që të ballafaqohesha me të gjitha këto sakrifica.

Sidoqoftë, arsyeja pse thash që ka raste kur izolimi të rrit shkallën e kreativitetit, është se deri sa po mbaja izolimet këtë javë, ndjeva dëshirën që të punoj dicka vullnetarisht. Sikur edhe titulli, aranzhova tri ikona grafike; njëra me flamurin e ri të kosovës, tjetra me flamurin kombëtar kuq e zi, dhe e fundit me të dyja së bashku.

Një mik i imi i ngushtë, më kritikoi për përzierjen e dy flamujve në një vend, pasi nuk ishte simpatizues i flamurit të kaltër me 6 ylla, megjithatë, mendova dhe përsëri vendosa ta bëj, pasi deshëm ose jo është një simbol që na identifikon për momentin. Pra, nëse ndodh që edhe ti të jesh i një mendjeje me kolegun tim, atëherë shkarko arkivën më poshtë, dhe lirisht shlyje të kaltërtën dhe ruaje vetëm atë me kuq e zi.

Shkarkoje!

Artikuj të ngjashëm

• Kalendar për vitin 2009
• Vala off-peak, e mundshme gjatë Kurban Bajramit
• Na nguli Ban Ki Muli,…Muti,…Muni bre! Jo,po Qeveria!
• “WordPress 2.7, këtë herë është personale”, sikur edhe Kosova.
• Viva La Obama!