Dhurata e parë nga Arian’s Café
Ashtu edhe sic premtova në artikullin për shpërblimin e kontributorëve ne u takuam me Besfortin dhe fillimisht pijmë nga një Mochachino në Prizren, pastaj solemnikisht ia dhuruam një bluzë të bardhë me logon e blogut. Besfortit ky gjet iu duk shumë intrigues, pasi nuk i kishte vajtur mendja ndonjëherë që do të zgjidhej fitues, por befasia definitivisht ishte e këndshme për të.
Për më tepër, ai ishte së tepërmi falenderues kur në fakt jam unë ai që duhesha të falenderoja për kontributin e tij shumë të vlerësuar. Fatmirësisht, kur Besforti arriti me neve gjendej edhe Syri Ramadani (zbuluesi i Mochachino), i cili pa hezituar fare u ngrit dhe na bëri një fotografi për të memorizuar këtë eveniment atraktiv.
Në foto: djathtas Ariani, në mes Besforti, majtas Dritoni.
Kjo tregon se Arian’s Café po realizon qëllimin duke u bërë një vend ku gërshetohen opinionet nga lexues dhe vizitorë të ndryshëm, kësisoji duke përmbushur ideologjinë kryesore të blogut ‘që të ndërtojmë një komunitet të gjërë me ide dhe iniciativa pozitive për shoqërinë dhe të ardhmen tonë personale’.
Dhe së fundi, Alkimisti si fituesi me komentin më të zgjuar, fatkeqësisht ishte larguar nga Kosova para ca ditësh, kështu që ne nuk arritëm të ndajmë një moment kaq të vecant edhe me të, por premtimi është premtim dhe do të bëj të pamundurën që edhe ai të ketë bluzën.
Artikuj të ngjashëm
Leave your response!