molla e kuqe ishte blogu i parë shqipëtar që kishte vendosur një link për në blogun tim qysh ne ditët e para kur unë e nisa Arian’s Café, dhe atë pa kërkuar që t’ua kthej nderin. Të them të drejtën, mua shpesh më bie që ta shfletoj blogun e tyre (i cili është themeluar në ditën e pavarësisë së Kosovës) pasi jo rallë publikojnë artikuj aktual dhe vërtetë tërheqës.

Mbrëmë vendosa që të shikoj se cka ka të re nga molla e kuqe dhe cuditërisht, artikulli i tyre i fundit
i publikuar para 5 dite ndodhi të jetë shumë interesant. Duke u bazuar edhe në vetë titullin mund të kupton se për cfarë po bëhet fjalë këtu. Një aplikacion i zhvilluar për telefonin e prodhuar nga Apple që tash më jam i bindur se shumë mirë e njihni iPhone, i cili simulon tingujt e ciftelisë, instrumentit tonë kombëtarë. Nuk jam i sigurt nëse edhe zhvilluesi i aplikacionit është shqipëtar, por nga emri kuptoj se të paktën shitësi definitivisht është një nga tanët.

Afrim Kacaj është autori i faqes së aplikacionit (tingailn.com) si dhe ofruesi i aplikacionit jo më të madh se 3.4MB(MegaByte) dhe jo më shtrenjtë se 4.99$(dollarë). Aplikacioni quhet “Tingalin – Virtual Lute (Tingalin – Lahuta Virtuale)”, dhe në përshkrimin e tij dëshmohet që është i bazuar nga instrumenti muzikorë shqipëtar ciftelia, dhe për këtë, bukur mirë kanë ofruar pothuajse plotësisht ndjesinë e njëjtë sikur t’i bie ciftelisë. Pas shtypjes së notave, ritmin e krijuar mund ta dëgjosh duke e luhatur iPhone djathas-majtas, ku për secilën lëvizje luhet një notë muzikore. Për më tepër shih videon në vazhdim.

Sinqerisht tejet atraktive dhe shumë mirë e realizuar. Tash më është e mundshme që ta bleni këtë program nga Apple Store duke klikuar në këtë link, dhe definitivisht ja vlen të shpenzohen pesë dollarë për pak atraktivitet sikur ky, natyrisht nëse kurdoherë ke pasur dëshirë t’i bie ciftelisë.

Për më tepër, në faqen zyrtare ke mundësinë dhe shansin që të përjetosh tingujt e ciftelisë gati të gjalla, duke manipuluar në ciftelinë me shqipe dy krenare, e gjeni këtu në flash version.

Konkludoj që ne shqiptarët kemi talent dhe potencial për cdo lëmi, e vetmja që na mungon është mundësia për ta shpalosur talentin tonë, por në përgjithësi është e nevojshme vetëiniciativa sikur në rastin konkret të këtij aplikacioni fantastik për iPhone. Bravo Afrim Kucaj, bravo.

Artikuj të ngjashëm

• Argh, shyqyr me ne fund u be
• WordPress 2.7 final, publikisht i gatshëm për shkarkim
• Po justifikoj mungesën!
• S’jam n’tripa!
• Dhurata e parë nga Arian’s Café