Fillimisht, pasi ta kesh përfunduar së lexuari këtë artikull ke të drejtë të më quash naiv, injorant, pabesimtar dhe gjithcka tjetër që mund të të vije nepër gojë. Por thjesht po përpiqem të e ndriçoj këtë rast kaq ‘senzacional’ që është futur si temë diskutimi ditor në mesin tonë këto ditët e fundit, dhe është për të ardhur keq se si ne u besojmë gjërave të këtilla.

Besoj se tashmë secili prej jush keni dëgjuar për një video që gjendet në YouTube, dhe titullohet “syt ne qiell-Desing by*Dj_Faca Vs Dj*Sheno”. Nëse nuk keni dëgjuar atëherë po ju tregoj. Por do ta bëj një analizë në dy aspekte që kanë lidhje me të, pra në aspektin Teknik të realizimit të videos, si dhe atë Religjioz si duket nga ana fetare (Islame), pasi që aspekti fetar është më kritik.

Ajo që më shtyu mua të shkruaj për këtë është bezdisja nga miq të shumtë duke më pyetur se çka mendoj unë për këtë, “O Ari (Xari), kqyre po du me t’pyt dicka, kqyre qet video edhe qka po thu a po tdoket e vertet a jo?”

Në rregull, ja se çka po mendoj unë për të edhe qysh po më duket.

Aspekti Teknik

Detali i parë që më ka rënë në sy qysh në momentin e parë kur e kam klikuar linkun nga referuesi numër një, e që në t’vërtetë është dashur të u bie në sy të gjithëve është titulli aq keq i emërtuar i videos. Nuk po flas për gabimet drejtëshkrimore pasi që ato janë katastrofale, megjithatë titulli i videos është krejt çka më ka mjaftuar për të konstatuar jovërtetësinë e kësaj shpifjeje. Vëreni pjesën ‘Design by*Dj_Faca Vs Dj*Sheno’. Shumë qartë në titull thuhet se është dizajn, në fakt thënia është e gabueshme pasiqë kjo nuk është dizajn por montazhë, sidoqoftë ndërlidhet në njëfarë mënyre.

Detali tjetër: ‘DJ Faca vs. Dj sheno’ – në aspektin se qysh e kanë menduar këta DJ mund të themi se rezultati i videos ka qenë pasojë e një bashkpunimi mes këtyre DJ-ve, ndërkaq shkurtesa, fjala vs. që është akronim për Versus dhe ka kuptimin kunder, përballë, na jep hapësirë për të menduar se njëri prej këtyre dy DJ-ve e ka bërë këtë për t’iu lavdëruar ose më mirë për ta mposhtur tjetrin. Pasi u thellova në detalet tjera vërej se video është vendosur në YouTube nga vetë dj sheno, pra nëse ka qenë vs. e vërtetë gjasat janë më të mëdha që dj sheno ta ketë bërë këtë ‘dizajn’ kundër dj facës.

Sidoqofte, video zgjat vetëm 1:12min ku paraqitet një ditë e ngrysur me plotë re, lëvizje të tmerrshme të kamerës që praktikisht të merren sytë duke e shikuar ndërkaq në prapavijë dëgjohet një shushurimë. Vetë realizimi është i tmerrshëm prandaj është absurde të besohet në atë se çka kanë provuar të na befasojnë në të vërtetë.

Por ja që shqipet i ka prekur kjo temë dhe nuk kanë ngurruar që t’ia dhurojnë këtij banaliteti mbi 20,072 shikime. Në anën tjetër kur referuesi i dytë më dërgoi e-mail për t’ia hedhur një sy, lista e adresave që kanë shkëmbyer mes njëri-tjetrit këtë lajm është fascinuese.

Kjo ishte sa i përket aspektit teknik, realizimit e të tjerave. Më poshtë po sqaroj se si duhet të shikohet një gjë e tillë nga perspektiva fetare.

Aspekti Religjioz apo Fetar-Islam

Pse nuk duhet t’i besohet kësaj pallavre dhe shumë të tjera me tematika të ngjashme?
Shumë thjesht, nuk janë të vërteta. Por jo, nuk përfundon me kaq, pasi që përgjigja nuk mjafton për t’i bindur shumicën dërmuese.

Feja Islame është fe tejet e argumentuar. Përmes Librit të Shenjtë Kur’anit Famëlartë dhe përmes të dërguarve të Tij, Allahu na ka treguar për shumë ndodhi dhe histori të kaluara, me pejgamberë të shumtë të cilët kanë sjellur me vete argumente dhe mrekulli të ndryshme.

P.sh. Musai a.s kur është urdhëruar nga Allahu që t’i mëshon detit me shkopin e tij, deti është ndarë në dysh dhe në mes ka krijuar një rrugë që Musai a.s. së bashku me popullin e tij të kalojnë pa problem. Kjo ishte në momentin kur ndiçeshin nga ushtria e Faraonit.
Ndërsa Ne Musait i thamë: “Me shkopin tënd bjeri detit”. Deti u nda dhe çdo pjesë u bë si kodër e madhe“. (Shuara, 61-63)

Ibrahimin a.s edhe pse e hudhën në zjarrë Allahu e urdhëroi zjarrin që të bëhej jo i dëmshëm për Ibrahimin a.s.
”Po Ne i thamë: “O zjarr, bëhu i ftohtë dhe shpëtim për Ibrahimin!” [21:69].

Kemi rastin e Isait a.s. (Jezusit), i cili foli gjersa ishte në djep,
Allahu (atë ditë) i thot: “O Isa, bir i merjemes, përkujtoj të mirat e Mia ndaj teje dhe ndaj nënës sate, kur të fuqizova me shpirtin e shenjtë (Xhibrilin), e ti u fole njerëzve në djep dhe (kur ishe) i pjekur (burrë), kur ta mësova ty Librin dhe Urtësinë… (Maide: 110)

Me urdhër të Zotit Isai a.s. shëronte të verbërit, ngjallte të vdekurit, etj.
…Dhe, të dërguar te bijtë e Israilit: “Unë kam ardhur nga Zoti juaj me argument, unë nga balta ju bëj diç si shpendi, i fryej atij dhe ai me lejen e Allahut bëhet shpend. Unë i shëroj të verbërit, të sëmurët ne lëkurë, dhe unë me lejen e Allahut ngjalli të vdekurit. Unë ju tregoj për atë që e hani dhe për atë që e depononi në shtëpitë tuaja. Vertetë, ky është fakt për ju nëse jeni besimtarë. (Ali Imran: 49)

Në të vërtetë, mënyra se si u lind Isai a.s. ishte vetë mrekullia.

Mrekullia e Muhamedit a.s. është vetë Libri i Shenjtë Kur’ani Fisnik e shumë argumente të tjera të cilat dëshmojnë për ekzistencën e një fuqie mbinatyrore që quhet Zot.

E tash, shumë prej këtyre mrekullive kanë qenë të domosdoshme në ato kohëra, pasiqë shkalla e intelektit të mendjes njerëzore ishte shumë më e ulët se që është sot. Mirëpo sot nuk ka nevoj për mrekulli të tilla, kur dihet se Zoti ia ka mundësuar njeriut që të shfrytëzojë një sasi më të madhe të trurit, dhe rezultat i kësaj janë të gjitha zbulimet teknologjike, kerri në raport me deven, kompjuteri/shtypësi në raport me lapsin/letrën, telefoni që atëherë nuk ka ekzistuar fare, e bile edhe as aeroplani e helikopteri. Mos të flas për Internetin e Messengerin se as që kanë ditur për këto në atë kohë. Prandaj për t’i bindur popujt e mëhershëm që duhet besuar në Një Zot të vetëm, Allahu iu ka mundësuar privilegje të caktuara ashtu që truri i tyre të pranonte shpalljen.

Ndërkaq, sot kur njeriu di të zhvillojë biznese shumë të suksesshme, të bëj dallavere nga më të avancuarat, të trillojë një storie mbi dy sy në qiell e të besoj tërë bota, të udhëtojë nga Kosova në Turqi për 1orë (kur nevojiten afro dy në relacionin Prizren – Prishtinë), e shumë e shumë argumente të tjera, atëherë konkludojmë se gjithcka që na duhet për të besuar është e mundshme dhe na rrethon.

Allahu ne Kur’an thotë: “A nuk e sheh se All-llahu lëshon ujë nga qielli dhe atë e shpërndanë në tokë nëpër burime, mandej me të mbijnë bimë të llojeve dhe të ngjyrave të ndryshme, pastaj ajo thahet dhe ti e sheh ata të zverdhurar dhe pastaj e bën atë të llomitr. S’ka dyshim se në këtë ka argument për të zotët e mendjes.” [39:21]

Në tregimet e tyre (të dërguarve dhe të Jusufit me vëllezër) pati mësime e përvojë për të zotët e mendjes. [12:111]

Dhe në shumë vende të tjera përmendet termi “te zotët e mendjes”. Që në shtjellim dmth. ne duhet të marrim mësimin nga ndodhitë e më hershme.

Filozofi i vjetër George Santayana ka thënë: “Ata që harrojnë të kaluarën (historinë), mallkohen që ta përsërisin atë!”
Prandaj, mësimet nga dënimet që kanë pësuar popujt e hershëm si pasojë e mosbesimit të tyre në Allahun, duhet ti marrim si shembull ashtu që ne të veprojmë pozitivisht dhe në mënyrë të drejtë. Pa hile!

—————————————————————————————

I dashur mik dhe lexues, kjo ishte mënyra si unë e shoh gjithë këtë pluhur që është ngritur në ditët e fundit.
Sa i përket aspektit religjioz fetar-katolik, jeni të ftuar që të më tregoni si e sheh feja Katolike këtë qështje, gjithsesi do ta kisha publikuar.

Faleminderit që shpenzove kohën për ta lexuar të tërën.

Përfundimisht, ju enkurajoj që të komentoni më poshtë pasiqë po më interson mendimi juaj mbi tërë këtë. Voto sondazhin dhe lëre një koment si justifikim i votës.
Për momentin nuk ka asnjë sondazh aktiv.

Artikuj të ngjashëm

• Cdo njeri është talent, vetëm duhet të dijë si ta shfaq atë
• Letër prekëse drejtuar ushtarëve të Kosovës, nga një qytetar
• Një Canon XL2 i ri, tash nën patronatin tim
• Tirana vs. Milan, 2-1
• Krijo një prapavijë për desktop me Photoshop CS3